{"id":1267,"date":"2013-12-23T16:33:24","date_gmt":"2013-12-23T15:33:24","guid":{"rendered":"http:\/\/www.bayern-wolln-mer.net\/blog\/?p=1267"},"modified":"2013-12-23T16:51:36","modified_gmt":"2013-12-23T15:51:36","slug":"fraenksches-weihnachtsgedicht-die-weihnachtsgans","status":"publish","type":"post","link":"https:\/\/www.bayern-wolln-mer.net\/blog\/index.php\/archives\/fraenkisch\/1267-fraenksches-weihnachtsgedicht-die-weihnachtsgans.html","title":{"rendered":"Fr\u00e4nksches Weihnachtsgedicht: Die Weihnachtsgans"},"content":{"rendered":"

Nach der “fr\u00e4nksichen Bayernhymne<\/a>” habe ich nun auch ein Weihnachtsgedicht auf fr\u00e4nkisch erhalten! Auch das stammt aus dem\u00a0Gedichtband “Wenn der Frange fr\u00e4ngisch red, der Brei\u00df ka anzichs Word verschdehd<\/a>\"\"“! Viel Spa\u00df:<\/p>\n

Mier woarn am Wech zum Gardasee,
\nNu immer scheind die Sunna schee.
\nSebdember woars, iech maan der Erschde,
\nDo froochd miech meine Allerbesde:
\n\u201eWos willsd an Weihnachd heier kochn?\u201c
\nSo had sie w\u00f6rdlich zu mier gschbrochn.
\nMiech hads grissn sooch iech eich,
\nDoo auf der Schdrass in \u00d6sterreich.
\n\u201eJa sooch amol, bisd du nu gscheid?
\nErschd in vier Monad is Weihnachdszeid!
\nDo froogsd mi heid scho heimlich schdill.
\nWas iech an Weihnachd essn will!
\nWas solln dees edz?\u201c, habbis gfrachd,
\nWorauf sie aufbrachd zu mier sachd:
\n\u201eEdz hab di ned su, alder Debb,
\nErschd neili hammer drieber gred.
\nMei Mudder is dees Joahr verreisd,
\nWas glibb und gloar und deudlich hei\u00dfd:
\nF\u00e4hrd a boar Dooch nach Klosder Banz.
\nNix is mid der Weihnachdsgans!
\nDie miss mer heier selber bradn,
\nDrum ieberlech iech, kann ned schadn,
\nWu kriegn mier die Gans dann her,
\nIs goar ned einfach, ganz schee schwer.<\/em><\/p>\n

A Bolnische, die willi ned,<\/em>
\n Do is nix dro, is ganz schee fedd.<\/em>
\n Iech will a frische vo an Bauern,<\/em>
\n Bisd ane kriegsd, dees kann scho dauern.<\/em>
\n Ghersd du ned zu der Schdammkundschafd,<\/em>
\n Die jedes Joahr a G\u00e4nsla kaffd,<\/em>
\n Dann kannsd du schaua, wu du bleibsd!\u201c<\/em>
\n \u201eGlabsd ned, dass du dees ieberdreibsd!?\u201c,<\/em>
\n Hob iech dann gsachd und dees woar schlechd.<\/em>
\n \u201eIeberdreibn? Iech h\u00f6r ned rechd!\u201c,<\/em>
\n Had meine Holde do drauf gsachd.<\/em>
\n \u201cMier scheinds du hasd ned nachgedachd!<\/em>
\n Dun mier vielleichd an Bauern kenna,<\/em>
\n Dem mier a wenich n\u00e4her schdenna?<\/em>
\n Iech kenn kan und du aa ned,<\/em>
\n H\u00f6r auf mid deim Dahergeredd!\u201c<\/em><\/p>\n

Mier woars leid die Disskussion,<\/em>
\n Und dann had iech a Vision:<\/em>
\n \u201cUrlaub mach mer edz erschdmal,<\/em>
\n Und, vielleichd klingds aa banal,<\/em>
\n Um die Gans brauchsd diech ned sorgn,<\/em>
\n Do wer iech miech scho umhorchn,<\/em>
\n Wenn sie nahd, die Weihhnachdszeid,<\/em>
\n Edz is dees nu ned su weid.<\/em><\/p>\n

Am erschdn Weihnachdsfeierdooch,<\/em>
\n Her mer zu, was iech edz sooch,<\/em>
\n Do grigsd a G\u00e4nsla, knusbrich braun,<\/em>
\n Mei liebe Fraa, do wersd du schaun.!\u201c<\/em><\/p>\n

November woars, Mardini-Fesd,<\/em>
\n Su manche Gans iehr Leben l\u00e4ssd.<\/em>
\n Der Vogel lag mier l\u00e4ngsd im Moogn.<\/em>
\n Mei Euforie, die woar verflogn.<\/em>
\n Seid aner Wochn, iehr werds ned kenna,<\/em>
\n Du iech in jedn Kaff rumrenna.<\/em>
\n Frooch jedn Bauern, die sen ja nedd,<\/em>
\n Ob der a Gans nu \u00fcbrich h\u00e4dd.<\/em>
\n \u201eDu bisd mier vielleichd a Held,<\/em>
\n Willsd a Gans, hasd kaane bschdelld.<\/em>
\n Do kannsd im ganzn Dorf rumlaafn,<\/em>
\n A Gans, die kannsd du nemmer kaafn.<\/em>
\n Kannsd aane bschdelln fiers n\u00e4xde Joahr,<\/em>
\n Heier sen die G\u00e4ns scho goar.<\/em>
\n Die wusd nu siehgsd und nu rumlafd,<\/em>
\n Die had die Schdammkundschaft scho kaffd.\u201c<\/em>
\n Dees hobbi gherd drauf jedn Dooch.<\/em>
\n Wuher a Gans? Dees woar die Frooch!<\/em><\/p>\n

Iech hab ned aufgebn, w\u00e4r doch glachd!<\/em>
\n Hab a Verschbrechn schlie\u00dfli gmachd.<\/em>
\n Iech werd a G\u00e4nsla scho nu griegn,<\/em>
\n Zwaa Kilo kann dees Viech ruhich wiegn.<\/em><\/p>\n

Und wie iech aus dem Dorf naus foahr,<\/em>
\n Da machd es bing. Do woars mer kloar.<\/em>
\n Die Weihnachdsg\u00e4ns fier die Schdammkundn,<\/em>
\n Die siehch iech vor mier. Habs gefunden.<\/em>
\n Zwanzich, drei\u00dfich auf an Weiher,<\/em>
\n Schwimma rum, edz hols der Geier.<\/em><\/p>\n

Na, ned der Geier, abber iech,<\/em>
\n Wer mier hulln so a Viech.<\/em>
\n Iech brauch ja schlie\u00dfli aa blo\u00df aane,<\/em>
\n A scheene gro\u00dfe, blo\u00df ka klaane.<\/em>
\n Heid Nachd do kummi, dees is gwie\u00df,<\/em>
\n Mid aan scheena langa schbidzin Schbie\u00df.<\/em>
\n A Brood dees brauchi aa dazu,<\/em>
\n Damid die G\u00e4ns anloggn du.<\/em>
\n Do r\u00fcgg iech o mid einem Sagg,<\/em>
\n Und schdobfs dann nei dees Lubnbagg.<\/em>
\n Iech wers scho fanga mid Geduld,<\/em>
\n Die Gans, die had der Fux dann ghulld.<\/em>
\n Aane wenicher f\u00e4lld ned auf,<\/em>
\n Ja, su machis, bin gud drauf.<\/em><\/p>\n

Orschkald woars, die Nachd gscheid finsder,<\/em>
\n Gfrorn hads mi hinderm Ginsder,<\/em>
\n Wu iech miech verschdeggd gehalden,<\/em>
\n Ruhe und Geduld lie\u00df walden.<\/em>
\n Iech habss gherd am Weiher drundn,<\/em>
\n Mussd meinen Wech aa nu erkundn.<\/em><\/p>\n

In der kaldn finsdern Nachd,<\/em>
\n Leise, leise mid Bedachd!<\/em>
\n Wie a Indijaner binni gschlichn,<\/em>
\n Und vo meim Wech ned abgewichn,<\/em>
\n Bis iech an dem Weiher schdand,<\/em>
\n Die G\u00e4nseschar, die war an Land.<\/em>
\n In der Wiesn woar iech glegn,<\/em>
\n Hab versuchd miech ned zu regn,<\/em>
\n Hab mier dees Brood zurechd gelechd,<\/em>
\n Mei, woar iech gscheid aufgerechd.<\/em>
\n A Breggerla zu die G\u00e4ns hie gschmissn,<\/em>
\n A schener, gro\u00dfer Leggerbissn.<\/em>
\n Die ham gschaud, die H\u00e4ls hochgschdreggd,<\/em>
\n Dann hamm sies gfunna, had nern gschmeggd.<\/em>
\n Aufgrechd woarns, die bleedn Viecher,<\/em>
\n Rumdrambld sindse, wie a Diecher.<\/em>
\n Aufgrechd, gschnadderd, durchanander,<\/em>
\n Und am laudsdn woar der Gander.<\/em>
\n Iech hab gschwidzd bei dem Geschrei,<\/em>
\n Hoffendli kummd kaans vorbei.<\/em><\/p>\n

Und widder sind im hohen Bogen,<\/em>
\n Zeha Breggerli durch die Lufd geflogen.<\/em>
\n Die Viecher schderzn sich do drauf,<\/em>
\n Und iech schbring vo der Wiesn auf.<\/em>
\n Ieberraschung is ned schlechd,<\/em>
\n Wennsd du a G\u00e4nsla fanga mechsd.<\/em>
\n F\u00fcnf schnelle Schridde, ohne Verzagen,<\/em><\/p>\n

Bagg iech su an Vogl bei seim Kragen.<\/em>
\n Fliegl schloogn, ein Gezugge,<\/em>
\n Ein Geschdrambl, ganz meschugge,<\/em>
\n Ein Geschnadder, ein Geschrei,<\/em>
\n Bei\u00dfd miech die Gans ind Noosn nei.<\/em>
\n Griech iech an Schregg, an ganz an gro\u00dfn,<\/em>
\n Mei Herz, dees rudschd mier in mei Hosn.<\/em>
\n Iech la\u00df die Gans los, unbedachd,<\/em>
\n Scho had sie sich davon gemachd.<\/em>
\n Mei Noosn bludd, mei H\u00e4nd sen leer,<\/em>
\n Am Weiher schwimma G\u00e4ns umher.<\/em>
\n Vo dem Geschrei, in dera Nachd,<\/em>
\n Der Bauer had sei Lichd eigmachd.<\/em>
\n Scho h\u00f6ri Schdimma und Gebell,<\/em>
\n Edz hasds verschwinden, abber schnell.<\/em><\/p>\n

Am n\u00e4xdn Dooch, beim Friehschdigg dann,<\/em>
\n Schaud miech mei Fraa so komisch an.<\/em>
\n \u201eHasd gschl\u00e4cherd du, die ledzde Nachd?<\/em>
\n Was hasd mid deiner Noosn gmachd?\u201d<\/em>
\n \u201cMei Noosn?\u201d, sach iech drauf verhalden,<\/em>
\n Und lech mei Dengerschdirn in Falden.<\/em>
\n \u201eJa dei Noosn mein iech wohl,<\/em>
\n Schaud ja aus wiea Blummakohl!\u201c<\/em>
\n \u201eEdz wus dees sagsd\u201c, sooch iech endz\u00fcggd,<\/em>
\n \u201eDo habbi a weng rumgedr\u00fcggd.<\/em>
\n A Eiderbiggl, gro\u00df und rund,<\/em>
\n Der woar do hald! Sunsd gibds kan Grund.\u201d<\/em><\/p>\n

\u201cEdz her na auf, du machsd doch Faxn!<\/em>
\n Der is der wohl ersch gesdern gwachsn?\u201c<\/em>
\n \u201eFraali, kwasi ieber Nachd,<\/em>
\n Drum habbin aa gleich weggemachd.\u201c<\/em>
\n \u201eSooch amol\u201c, schbrach meine Holde,<\/em>
\n Weil sie noch was fragen wollde.<\/em>
\n \u201eHasd a G\u00e4nsla edz scho grichd?<\/em>
\n Haud dees hie, aus deiner Sichd?\u201c<\/em>
\n Adrelanin! Mei Herz dees bochd,<\/em>
\n Weil iech ned dr\u00fcber redn mochd.<\/em>
\n R\u00e4usber, r\u00e4usber, schnell gedachd,<\/em>
\n Hab iech mei Fraa drauf angelachd.<\/em>
\n \u201eUnd wie dees hiehaud, kannsd di gfreia,<\/em>
\n Ledzdn Samsdooch, um halb dreia,<\/em>
\n Habbis ausgsuchd aus der Schar,<\/em>
\n Had mer Schba\u00df gmachd. Alles klar!<\/em>
\n Auf der Wiesn lafds nu rum,<\/em>
\n Wennsd des siehgsd, a ganz scheens Drum.<\/em>
\n Na ja, edz derfs nu a bissla leben,<\/em>
\n Muss nunni iehren Geisd aufgebn.<\/em>
\n Drei Dooch vor Weihnachd werd si gschlachd,<\/em>
\n Midn Bauern is so ausgemachd.\u201c<\/em>
\n Mei Fraa, die gibd mier einen Kuss<\/em>
\n Und fl\u00fcsderd mier ins Ohr zum Schluss:<\/em>
\n \u201eBisd doch mei Liebling, Allerbesder,<\/em>
\n Do kennersd du doch fier Silvesder,<\/em>
\n Nachdem du kennsd die Bauersleid,<\/em>
\n Du wa\u00dfd, Silvesder is ned weid,<\/em><\/p>\n

Vielleichd, iech maan scho iebermorgn,<\/em>
\n A Bauernendn aa nu bsorgn?\u201c<\/em>
\n Mier schwoll der Kamm, habs\u2019s rundergschluggd,<\/em>
\n Und meine Fraa gro\u00df angeguggd.<\/em>
\n \u201eMei Waggerla, iech bidd dich sehr,<\/em>
\n Du mussd blo\u00df soogn, was brauchmer mehr?<\/em>
\n Nachdem iech edz die Bauern kenn,<\/em>
\n Und schd\u00e4ndich in dees Dorf nei renn,<\/em>
\n Do mach dier biddschee keine Sorgn,<\/em>
\n Iech deng, iech kann do alles bsorgn.<\/em>
\n Endn, Schingn, Bressagg, Eier,<\/em>
\n Schdaddwurschd, \u00c4bfl, goar ned deier,<\/em>
\n Deibli Hoosn, Milch Bodaggn,<\/em>
\n Is ka Broblem, dees kriegi baggn.\u201c<\/em>
\n Danach du iech zum Himml biddn,<\/em>
\n Iech glaab miech had der Deifl griddn.<\/em><\/p>\n

Es kam der erschde Weihnachsdooch,<\/em>
\n A Dooch, den iech su gerne mooch.<\/em>
\n A Dooch su schee, braugsd nix mehr dengn,<\/em>
\n Vorbei is scho, mid den Geschengn.<\/em>
\n Scho frieh schdeh iech in meiner Sch\u00fcrzn,<\/em>
\n Und du do unser G\u00e4nsla w\u00fcrzn.<\/em>
\n Drei Schdundn schb\u00e4der is die Kichn,<\/em>
\n Angereicherd mid Ger\u00fcchn.<\/em>
\n Die Gans, die bruzeld in dem Br\u00e4der,<\/em>
\n Die Glees ham Zeid, die machi schb\u00e4der.<\/em>
\n Dees Blaugraud schdill im Dobf hie d\u00e4mbfd,<\/em><\/p>\n

Mei Fraa scho mid iehrm Hunger k\u00e4mbfd<\/em>
\n Der Diesch is deggd, der Wein scho offn,<\/em>
\n Mei Fraa, die is scho halb besoffn,<\/em>
\n Liesd in der Zeidung, was bassierd,<\/em>
\n Und had vom Wein numal brobierd.<\/em>
\n Die n\u00e4xde Seidn umgedrehd,<\/em>
\n Erz\u00e4hlds was in der Zeidung schdehd.<\/em>
\n Im Regionaldeil, ja da schdands,<\/em>
\n Die Gschichd vo dera Weihnachdsgans.<\/em><\/p>\n

A Moo had in der Weihnachdszeid,<\/em>
\n Sich auf a G\u00e4nsla sehr gefreud.<\/em>
\n Doch leider war er zu schb\u00e4d dran,<\/em>
\n Ka Bauerngans mehr kaufen kann.<\/em>
\n Die G\u00e4ns, die warn schon reservierd,<\/em>
\n Er in der Zeidung inserierd:<\/em>
\n Liebe Leser, h\u00e4nderingend,<\/em>
\n Such iech a Gans, dees is ganz dringend.<\/em>
\n Bin verzweifeld, bin bedr\u00fcggd,<\/em>
\n Nach aaner Bauerngans verr\u00fcggd.<\/em>
\n Zwaahunnerd Euro zahl iech gern,<\/em>
\n Demjenigen in Nah und Fern,<\/em>
\n Der mier sei G\u00e4nsla ieberl\u00e4ssd,<\/em>
\n F\u00fcrs schdille, schdade Weihnachdsfesd.<\/em>
\n Had aner nu a Bauernendn,<\/em>
\n Soll der mier schnell a E-Mail sendn.<\/em>
\n Iech d\u00e4d die Endn aa nu nehma ,<\/em>
\n Hunnerd Euro sen ka Dhema.<\/em><\/p>\n

Su schdands in dera Zeidung drinna,<\/em>
\n A Foddo aa, iech h\u00e4dd fasd grinna.<\/em>
\n \u201cBisd dees ned du do auf dem Bild?\u201c<\/em>
\n Mei Fraa die woar fuxdeiflswild.<\/em>
\n \u201eAlles gloogn und erschdungn!\u201c<\/em>
\n Im Buudn w\u00e4r iech gern versungn.<\/em>
\n Abgrichd habbi dann mei Fedd.<\/em>
\n Drei Dooch hads nemmer mid mier gred.<\/em>
\n Die Weihnachdsgans hab underdessen,<\/em>
\n Iech ganz allaans drauf aufgegessen.<\/em><\/p>\n

(Copyright\u00a0www.roetten-buch.de<\/a>)<\/p>\n

Das Buch gibt es hier: “Wenn der Frange fr\u00e4ngisch red, der Brei\u00df ka anzichs Word verschdehd<\/a>\"\"“<\/strong><\/p>\n

Herzlichen Dank an Werner Rosenzweig, den Verfasser, f\u00fcr die freundlichen Genehmigung! \ud83d\ude42<\/p>\n

Share this:<\/h3>